Аламүдүн районунда унаа уурдоого шектелген жаран кармалды. Бул тууралуу Чүй ОИИБдин басма сөз кызматы билдирди.
Маалыматка караганда, жабырлануучу милицияга арыз менен кайрылып, 16-апрелде саат 12:00 чамасында Карл Маркс айылындагы «Гуля» дүкөнүнүн жанынан Honda HR V үлгүсүндөгү унаасын уурдап кеткен белгисиз адамга чара көрүүнү өтүнгөн.
“Шектүү унааны катуу ылдамдыкта айдап бара жатып, башкаруусун жоготуп, электр линиясынын бетон мамысын сүзгөн. Унаа уурдоо фактысы боюнча кылмыш иши козголгон», — деп айтылат маалыматта.
Шектүүнүн өздүгү такталып, ал Октябрь айылынын 36 жаштагы тургуну экени аныкталган. Кармалган жаран убактылуу кармоочу жайга киргизилген. Учурда кылмыш иши боюнча тергөө амалдары жүрүп жатат.
![whatsapp image 2023 04 18 at 11 02 10 Чүйдө унаа уурдап бараткан адам жол кырсыкка учурады](https://bulak.kg/wp-content/uploads/2023/04/whatsapp_image_2023-04-18_at_11_02_10.jpeg)