18-апрелде Өзгөчө кырдаалдар министрлигине Корея мамлекетинен 4 тез жардам унаасы тапшырылды. Бул тууралуу аталган министрликтен билдиришти.
Маалыматка караганда, расмий кабыл алуу иш-чарасына министр Бообек Ажикеев жана аталган өлкөнүн “GO&DO” социалдык камсыздандыруу фондунун өкүлдөрү катышты.
Унааларды берүү боюнча Кыргызстан менен Кореянын өзгөчө кырдаалдар бөлүмдөрүнүн ортосунда буга чейин жетишилген макулдашуулардын негизинде, Кореянын Кёнгидо провинциясынын өрткө каршы башкармалыгы тарабынан бөлүнгөн.
Иш-чаранын жүрүшүндө Өзгөчө кырдаалдар министри Бообек Ажикеев Кёнгидо провинциясынын Өрт өчүрүү башкармалыгына жана Кореянын “GO&DO” социалдык камсыздандыруу фондунун өкүлдөрүнө тез жардам унаасы түрүндө көрсөтүлгөн техникалык жардам жана аларды Кыргызстанга жеткирүүгө көмөктөшкөндүгү үчүн ыраазычылык билдирди.
![342030898 748892316589397 2652987203674146530 n Корея Кыргызстанга тез жардам унааларын берди, - сүрөт](https://bulak.kg/wp-content/uploads/2023/04/342030898_748892316589397_2652987203674146530_n-1200x800.jpg)
![342044517 605910657922580 6811351451366294827 n Корея Кыргызстанга тез жардам унааларын берди, - сүрөт](https://bulak.kg/wp-content/uploads/2023/04/342044517_605910657922580_6811351451366294827_n-1200x800.jpg)
![342007012 1613209025852503 431181295986891946 n Корея Кыргызстанга тез жардам унааларын берди, - сүрөт](https://bulak.kg/wp-content/uploads/2023/04/342007012_1613209025852503_431181295986891946_n-1200x800.jpg)