Пакистандын Пешавар шаарындагы мечитте болгон жардыруудан 83 киши каза болуп, 57си жарадар болгонун жергиликтүү оорукананын өкүлү билдирди. Бул тууралуу чет элдик басылмалар жазды.
Маалыматтарга ылайык, жарылуу намаз окуу учурунда болуп, имараттын жарымы урап түшүп, адамдарды басып калган.
«Атайын кызматтын өкүлүнүн айтымында, өзүн-өзү жардырган адам намаз окуп жаткандардын алдыңкы катарында болгон. Пакистандын премьер-министри Шахбаз Шариф уюштуруучуларды айыптап, алар ислам менен эч кандай жалпылыгы жок экенин белгиледи», — деп жазат ЖМКлар.
