1-СИЗОго тыюу салынган буюмдарды алып кирүүгө аракет кылган контролер кармалды

Борбор калаадагы абакка тыюу салынган буюмдарды алып кирүүгө аракет кылган контролер кармалганын ЖАКтан билдиришти


Кыргыз Республикасынын Юстиция министрлигине караштуу Жазаларды аткаруу кызматы тарабынан жазык-аткаруу тутумунун органдарында жана мекемелеринде уюшкан кылмыштуулукка жана коррупцияга каршы активдүү күрөш жүргүзүлүүдө.


Бул иш-чаранын жүрүшүндө No21- мекеменин (СИЗО-1, Бишкек ш.) ыкчам кызматкерлери тарабынан аталган мекеменин улук контролеру Т.Д., кызматтык милдетин аткарууга келе жатып, тыюу салынган буюмдарды жашыруун алып өтүүгө аракет кылган.


Тактап айтканда: 20 миң сом өлчөмүндө накталай акча; спецификалык жыты бар ак порошок түрүндөгү зат (болжол менен баңги заты) болжол менен 2 грамм салмактагы белгисиз баңги затынын 14 капсуласы.
Бул факт автоматташтырылган маалымат системасынын маалымат журналында катталган. Материалдар сотко чейинки өндүрүш үчүн ички иштер органдарына өткөрүлүп берилди. Ички иликтөө жүргүзүүдө.


Коррупциянын бардык көрүнүштөрү жана мыйзам бузуулар боюнча жарандар ЖАКнын ишеним телефонуна (0312) 43-11-77 номери аркылуу кайрылса болот.