Кыргызстанда былтыркы жылдын жыйынтыгы менен 74,3 млрд сом бажы төлөм чогултулду. Бул тууралуу бүгүн, 12-январда Бишкекте өткөн маалымат жыйында Бажы кызматынын төрагасы Самат Исабеков билдирди.
Анын айтымында, план 0,8%га же 604,8 млн сомго ашыгы менен аткарылган.
Ошол эле учурда былтыр чогулган бажы жыйымдары 2021-жылга караганда 27,4 млрд сомго көп (2021-жылы 46,9 млрд сом).
Эскерте кетсек, былтыр баштапкы план боюнча Бажы кызматы 98,5 млрд сом чогултушу керек болчу. Бирок белгиленген план өтө көп болгондуктан жана бир катар сырткы таасирден улам ал планды аткарууга мүмкүн болбогону айтылган. Ага байланыштуу жыйымдар боюнча план 25 млрд сомго азайтылган.
