Бул тууралуу Баткен ОИИБдин Басма сөз кызматы Вulak.kg редакциясына билдирди.
Лейлек РИИБдин кызматкерлери 2023-жылдын 11-13-январь күндөрү кыш мезгилинде аба ырайынын кескин өзгөрүшүнө жана ызгаардуу суукка байланыштуу “Селсаяк” аталышындагы алдын алуу иш-чараларын өткөрүшүүдө.
Бул иш-чаранын максаты туруктуу жашаган жери жок селсаяктардын, тилемчилик менен күн өткөргөн адамдардын өлүмүнө жол бербөө.
Анын негизинде милиция кызматкерлери район аймагын кыдырышып, кароосуз калган 14 үйдүн чатырларын, жер төлөлөрдү жана борбордук базарларды, автобекет, эл көп чогулган жерлерди текшеришти.
Ошондой эле, жарандардын коопсуздугун сактоо максатында суукка байланыштуу өрт кырсыктарын алдын алуу боюнча элдерге эскертүү жана түшүндүрүү иш-чаралары жүргүзүлүүдө.
