Буга чейин абакта ачкачылык жарыялаган Орозайым Нарматова бүгүн, 20-декабрь күнү эсин жоготуп жыгылган.
Бул тууралуу жактоочу Гуляна Убалиева билдирди.
«Азыркы тапта Нарматова Бишкектеги диагностикалык борборлордун биринде медициналык текшерүүдөн өтүп жатат. Анын жүрөгүнүн согушу тездеп, энтигип жатат»,-деди адвокат.
Эксперт Бермет Барыктабасова көз карандысыз дарыгер катары тергөө абагына кирип чыкканын, ачкачылык кармап жаткан Перизат Суранованын да абалы начар экенин, ооруканага жаткырууну суранып жатканын Фейсбуктагы баракчасына жазды.
