Бул тууралуу прокуратуранын басма сөз кызматы кабарлады.
Бишкек шаарынын Октябрь райондук прокуратурасы тарабынан Б. уулу А. аттуу жалган прокурор кармалып, убактылуу кармоочу жайга киргизилди.
Маалыматка ылайык, шектүү өзүн прокуратура кызматкери катары тааныштырып, А.Э.Д. аттуу жаранды кылмыш жоопкерчилигине тартам деп коркутуп, анын уюлдук телефонун жана 50 миң сом өлчөмүндө акчасын алган.
«Тергөөнүн жүрүшүндө, кармалган жаран Б.улуу А. социалдык тармактар аркылуу өзүн Бишкек шаардык прокуратурасынын кызматкери катары көрсөтүп, прокуратура органдарынын формалык кийимин кийип түшкөн сүрөттөрдү жайгаштырып, ошондой эле акча үчүн юридикалык маселелер боюнча өзүнүн кызматтарын сунуштап келгендиги аныкталды»,-деп айтылат маалыматта.
