Салымбаев Нурбек Ош ШИИБ боюнча милициянын кайгуул кызматынын башчысы болуп дайындалды.
Маалыматка ылайык, жаңы жетекчи жамаатка тааныштырылган.
Ош шаардык Жол кайгуул кызматын буга чейин жетектеп келген Айбек Жумагулов кызматынан кеткени белгилүү болгон.
Эске салсак, 28-июлда Жол кыймылынын коопсуздугун камсыздоо башкармалыгынын (ЖКККБ) Оштогу бөлүмүнүн 50дөй кызматкери мекеменин жетекчиси Айбек Жумагуловго нааразылык билдирип, милициянын кайгуул кызматынын алдына чыгышкан. Чогулгандар жетекчилик менен иштеше албай турганын айтып, министр Улан Ниязбековду бул ишке көңүл бурууга чакырышкан.
