Ош облусунун “Төлөйкөн” ат майданындагы көк бөрү оюнунда коомдук тартипти бузган жана чагымчылдык аракеттерди жасаган 25 жаран аныкталды. Бул тууралуу облустук милициядан билдиришти.
![1fa6f35e e3c9 48ab a5bb a1f5d7c58d86 Ошто чагымчылдык аракеттерди жасаган 25 жаран аныкталды](https://nazarnews.org/media/ck_posts_files/2023/09/01/1fa6f35e-e3c9-48ab-a5bb-a1f5d7c58d86.jpeg)
“Учурда тергөө-оперативдик тактоо иштери жүрүп жатат. Окуя боюнча мыйзам бузууларга, коомдук тартипти бузууга жана чагымчылдык жасоого байланышкан жагдайлар аныкталса мыйзам чегинде жоопкерчиликке тартылышат.
Ал эми ооруканага 7 жаран кайрылган, анын ичинен 1 кызматкер бар”, – деп айтылат маалыматта.
![b56355f4 b5e0 4522 910e cfa1fe684885 Ошто чагымчылдык аракеттерди жасаган 25 жаран аныкталды](https://nazarnews.org/media/ck_posts_files/2023/09/01/b56355f4-b5e0-4522-910e-cfa1fe684885.jpeg)
Ошондой эле, 31-август күнү саат 18:50 чамасында көк-бөрү оюнунда Ош облустук тез жардам кызматынын “Форд-Транзит” үлгүсүндөгү автоунаасынын терезелери талкаландыгы боюнча нөөмөт бөлүгүнө кабар келип, маалыматтык электрондук журналына катталганы кошумчаланды.
![1b722ab8 1f0c 465d b905 742849dd4fd0 Ошто чагымчылдык аракеттерди жасаган 25 жаран аныкталды](https://nazarnews.org/media/ck_posts_files/2023/09/01/1b722ab8-1f0c-465d-b905-742849dd4fd0.jpeg)
Эске салсак, 31-августта президенттин кубогунун финалында “Ынтымак” жана “Достук” командалары оюн талаасына чыгып, “Ынтымак” командасы 2:1 эсебинде жеңип алган. Оюндан соң күйөрмандар нааразы болуп калыска жана жеңүүчү командага желим бөтөлкөлөрдү ыргытышкан.