Бишкек шаардык Милициянын кайгуул кызмат башкармалыгынын кызматкерлери мектептерде мектеп жамааты менен биргеликте иш алып барышууда.
Бул туурасында Милициянын кайгуул кызматынын басма сөз кызматынан билдиришти.
Маалыматка караганда, 1-сентябрь жаңы окуу жылы башталды, бул күндөрү Бишкек шаардык Милициянын кайгуул кызматы шаар ичинде орто билим берүү мекемелеринде кайгуул постторун жайгаштырышты.
Айрыкча көчө боюнда жайгашкан мектептерде, жол чырактардын алдында, жөө өтмөктөрдө окуучулардын коопсуздугун алдын алып профилактикалык иш-чараларды жүргүзүшүүдө. Ошондой эле мектептердин айланасында автоунаалардын тыгындарын жөнгө салып, тоскоолдук жаратып токтотулган автоунаалардын айдоочуларына айыптарды ыйгарышат.
“Мектеп окуучулар арасында жол кыймылынын коопсуздугун алдын алуу, коопсуз жол, жол эрежесин сактоо эрежелерин үйрөтүүдө ачык сааттарды уюштурушуп, мектеп жамааты менен биргеликте ата-энелери менен жолугушууларды уюштурушууда.
Бишкек шаардык Милициянын кайгуул кызматы ата-энелерден, окуучулар мектепке чейинки коопсуз жолду толук жаттап, өздөштүргөнгө чейин өздөрү коштоп алып келип, алып кетип турууну өтүнөт”, – деп айтылат Милициянын кайгуул кызматынын басма сөз кызматынын маалыматында
