Кыргызстандык балбан Айсулуу Тыныбекова Венгрияда өтүп жаткан спорттук күрөш боюнча рейтингдик турнирдин финалына чыкты.
62 салмак категориясы боюнча кармашып жаткан кыргызстандык спортчу кыз алгач Луиза Хель Герд Неймехти (2:0), андан соң венгриялык Ясмин Солеманды (10:0) жеңип алды.
Чейрек финалда Тыныбекова россиялык Алина Хасабиеваны 6:1 менен утту. Ал эми жарым финалда бразилиялык Лаис Нуньести 5:2 эсеби менен жеңди.
Финалда кыргызстандык спортчу болгариялык Биляна Дудова менен кез келет.
