25-апрелде Жапалак айыл өкмөтүнүн Орке айылында Курманжан Датканын эстелигинин ачылыш аземи болуп өттү. Бул тууралуу Ош шаардык мэриядан билдиришти.
Иш-чарага Ош шаардык кеңештин төрагасы Салман Назилбеков, депутаттары, вице-мэр Нурбек Кадыров жана жергиликтүү тургундар катышкан.
Эстелик шаардык кеңештин депутаты Бексултан Үсөновдун жана жергиликтүү элдин демилгеси менен тургузулган.
«Иш-чаранын жүрүшүндө айыл тургундары улуу жол башчы жана башкаруучу Курманжан Датканын эстелигин орнотууга салым кошкондорго ыраазычылыктарын билдиришти. Курманжан Маматбай кызы (Курманжан Датка) Ош шаарына караштуу Жапалак аймактык кеңешинин Орке (Орок) айылында көчмөндөрдүн үй-бүлөсүндө туулган», — деп билдирет мэрия.
