ИИМде Улан Ниязбеков менен КМШга катышкан мамлекеттердин Антитеррористтик борборунун жетекчисинин жолугушуусу болуп өттү
Ички иштер министри милициянын генерал-лейтенанты Улан Ниязбеков менен КМШга катышкан мамлекеттердин терроризмге каршы борборунун жетекчиси генерал – полковник Евгений Сысоевдин жолугушуусу болуп өттү.
Жолугушууга ички иштер министринин орун басары Октябрь Урмамбетов жана КМШга катышкан мамлекеттердин АТБнын өкүлдөрү катышты.
Тараптар Борбордук Азия регионунда экстремизм жана терроризмге каршы күрөшүү боюнча өз ара аракеттенүү маселелерин талкуулашты.
Жолугушуунун алкагында меймандарга ИИМдин Коомдук коопсуздук кызматынын Ыкчам башкаруу борбору, санариптик камсыздоо борбору, ИИМдин жалпыга маалымдоо каражаттары жана коомчулук менен иштөө боюнча модернизацияланган Басма сөз кызматы борбору, расмий делегациялар менен жолугушуу жана онлайн-конференцияларды өткөрүү үчүн эл аралык кызматташтык залы тааныштырылды.
Жолугушуу достук жана жылуу мамиледе өттү.
ИИМдин Басма сөз кызматы
