Башкы прокуратура «Кумтөр Голд Компани» жабык акционердик коомунун мурдагы тышкы менеджери Теңгиз Бөлтүрүктү кармады. Бул тууралуу Башкы прокуратуранын басма сөз кызматынан билдиришти.
Мындан тышкары, камсыздоо боюнча адис Айша-Гүл Фронтбек кызы Джаналиева жана каржы департаментинин директору Рыспек Токтогулов кармалган.
«Кармалгандардын бардыгы Бишкек шаардык ички иштер башкы башкармалыгынын убактылуу кармоочу жайына киргизилип, тергөө иштери уланууда», — деп айтылат маалыматта.
Эске сала кетсек, “Кумтөр Голд Компани” ЖАКтын ишин текшергенден кийин Башкы прокуратура үч кылмыш ишин козгогон.
