Араван районунда терминалдарды уурдап жүргѳн кылмыштуу топ кармалды

2022-жылдын 6-сентябрь күнү Араван райондук ички иштер бөлүмүнүн Кылмыш иликтөө бөлүмчөсүнүн кызматкерлери тарабынан жүргүзүлгөн ыкчам-иликтөө иш-чараларынын натыйжасында уурулук менен алектенип жүрүшкөн шектүүлѳр кармалып, убактылуу кармоочу жайга киргизилген. Алар 22 жаштагы Б. уулу М., 27 жаштагы Т.С., 24 жаштагы Б.И., 23 жаштагы С. уулу Т., 22 жаштагы Д.К.. Аталган факты Араван РИИБдин кылмыштардын бирдиктүү реестрине катталып, Кыргыз Республикасынын Кылмыш-жаза кодексинин 205-берененин (уурдоо) негизинде кылмыш иши козголгон.

Кармалган жарандар төмөнкү фактыларга шектелип жатышат. 2022-жылдын 2-сентябрь күнү таңкы саат 03:00 чамасында Араван районунун Гулбар айылынын дүкөндөрдүн биринде жайгашкан “Нур телеком” жана ” Скаймобайл” компанияларынын терминалдарын жана анын ичиндеги 105 400 сом акчаны белгисиз жарандар уурдап кетишкендиги боюнча Араван РИИБге арыз келип түшкөн.

Тергѳѳнүн жүрүшүндѳ бул кылмыштуу топ тарабынан Өзгѳн, Кара-Суу райондорунун жана Нарын облусунун аймагында терминалдарды талкалап, уурулук кылгандары белгилүү болду. Ошондой эле дагы башка аймактарда ушундай кылмыштарга катышы бар же жоктугу тешерилип жатат. Жалпы чыгымдарды тактоо иштери жүрүп жатат. Учурда тергѳѳ иштери улантылууда.

Ош ОИИБдин Басма сѳз кызматы