Бишкекте өз өмүрүн кыюуга аракет кылган өспүрүм куткарылды. Бул тууралуу Өзгөчө кырдаалдар министрлигинин маалымат кызматы кабарлады.
Маалыматка ылайык, бүгүн саат 06:35 чамасында Логвиненко көчөсүндөгү көп кабаттуу имараттын 10-кабатынан белгисиз жаран өз өмүрүнө кол салганы жатат деген маалымат 112 кызматынан түшкөн.
Окуя катталган жерге 5 куткаруучусу тартылып, 18 жаштагы кызды түшүрүшүп, ИИМ кызматкерлерине өткөрүлүп беришкен.
