Садыр Жапаров катышкан футбол боюнча турнир өтөт

0
37

4-5-майда Бишкекте Кыргыз футбол союзу жана Президенттин Администрациясы тарабынан уюштурулган “Мурас” футболдук турнири өтөт.

Бул тууралуу президенттин басма сөз кытчысы Эрбол Султанбаев билдирди.

Анын айтымында, ата-мекендик футболдун 100 жылдыгына арналган декабрдагы турнирде президент Жапаров бул спорттук иш-чара салттуу түрдө жылына эки жолу кышкы/жайкы турнир катары өтүп турарын жарыялаган.

Бул ирет чемпиондук наам үчүн 12 команда күрөшөт:

  • Президент Жапаров башында турган – “Президенттин Администрациясы” командасы;
  • маданият ишмерлери – “Өнөр” командасы;
  • бизнестин өкүлдөрү – «Бизнес” командасы;
  • ЖМК өкүлдөрү – “Журналисттер” командасы;
  • ата-мекендик футболдун ардагерлери – “Алга” командасы;
  • спорттук федерациялардын жетекчилери – “Спорттук федерациялар” командасы;
  • Парламенттин депутаттары – “Жогорку Кеңеш” командасы;
  • Президенттин облустардагы ыйгарым укуктуу өкүлдөрү, шаар мэрлери, район акимдери – “Аймактар” командасы;
  • дин өкүлдөрү – “Ыйман” командасы;
  • чет мамлекеттердин Кыргызстандагы элчилери – “Элчилер” командасы;
  • ооруканалардын жетекчилери жана башкы дарыгерлери – “Ден соолук” командасы;
  • ЖОЖ ректорлору жана мектеп директорлору – “Билим” командасы.

Турнир КТРК, КТРК Спорт телеканалдарынын түз эфиринде көрсөтүлөт.

ОЙ ПИКИР КАЛТЫРУУ

Please enter your comment!
Please enter your name here
This site is protected by reCAPTCHA and the Google Privacy Policy and Terms of Service apply.