“Бишкекжылуулукэнергонун” 66 отканасы толук кубаттуулукта иштеп жатат

“Бишкекжылуулукэнерго” коммуналдык ишканасы абоненттерин жылытууга кошту, – деп билдирет шаардык муниципалитеттин басма сөз кызматы.

Маалыматка ылайык, бүгүнкү күндө “Бишкекжылуулукэнерго” коммуналдык ишканасынын бардык 66 отканасы толук кубаттуулукта иштеп жатат.

Ишкананын балансында турган 12 медициналык мекеме, 14 бала бакча, 41 мектеп, 8 университет жана 26 бюджеттик уюм, 622 турак үйдүн 614ү жылуулук энергиясына кошулду.

Малдыбаев көч. №12, 14, Кеңсуу көч. №17/1, 17 / 1-1, 19, Ахунбаев көч. №131В, Лев Толстой көч. №190 даректериндеги турак үйлөр ички системалар даяр болбогондуктан жылуулукка туташкан эмес. Алар келишимдер боюнча өзүн-өзү тейлейт.

Эске сала кетсек, Бишкекти жылуулук менен эки уюм камсыздайт: “Бишкекжылуулукэнерго” коммуналдык ишканасы жана “Бишкекжылуулуктармагы” ААКсы.

“Бишкекжылуулукэнерго” коммуналдык ишканасы шаардын түндүк-батыш жана түштүк-батыш бөлүктөрүн тейлейт: Жал кичи району, Аскер шаарчасы, Газ шаарчасы, “Орто-Сай” жана “Калыс-Ордо” конуштары, Жумушчу шаарчасы. Шаарга жылуулук берген уюмдар бири-биринин ишине жооп бербейт.

ОЙ ПИКИР КАЛТЫРУУ

Please enter your comment!
Please enter your name here
This site is protected by reCAPTCHA and the Google Privacy Policy and Terms of Service apply.