Кыргызстандык спортчу Мээрим Жуманазарова Ослодо (Норвегия) өтүп жаткан күрөш боюнча Дүйнө чемпиондугунда чейрек финалга чыкты.
Мээрим Жуманазарова 68 кг чейинки салмакта 1/8 финалда баштап, анда кореялык Минжи Ханы 8: 0 эсебинде жеңип, чейрек финалга жолдомо алды.
Эске салсак, бул чемпионатта Айсулуу Тыныбекова алтын алып, дүйнөнүн эки жолку чемпиону, Эрназар Акматалиев күмүш медалдын ээси, Алибек Осмонов коло медалга ээ болгон.
Башка спортчубуз Айпери Медет кызы бүгүн коло медаль үчүн күрөшөт.
