Садыр Жапаров 1-октябрдан тарта пенсиянын камсыздандыруу бөлүктөрүн индексациялоо жөнүндөгү жарлыкка кол койду. Бул тууралуу президенттин маалымат кызматы билдирди.
Документке ылайык, 30 миң сомго чейинки пенсиянын индексациялоо коэффициенти 1,38 өлчөмүндө белгиленди. Тактап айтканда, 30 миң сомго чейинки пенсиянын камсыздандыруу бөлүгү орточо 38 пайызды түзөт. Ошондо 500 сомдон кем эмес өлчөмүндө көбөйөт.
Мындай пенсиянын орточо өлчөмү жогорулагандан кийин 9 354 сомду түзөт, бул пенсиянын азыркы өлчөмүнөн орточо 1 692 сомго көп.
Жогорулатуунун так суммасы ар бир пенсионердин пенсиясынын камсыздандыруу бөлүгүнүн өлчөмүнө жараша болот.
Пенсия республикалык бюджеттен эмес, Социалдык фонддун каражатынын эсебинен жогорулатылат.