Казакстандын президенти Касым-Жомарт Токаев кыргыз элин жана президент Садыр Жапаровду Кыргызстандын Эгемендигинин 32 жылдыгы менен куттуктады. Бул тууралуу казак президентинин маалымат кызматы билдирди.
«Азыркы Кыргызстандын жетишкендиктери Казакстанда зор кубануу менен кабыл алынат жана биздин ар тараптуу кызматташууну достук, ынак коңшулук жана өз ара колдоо рухунда мындан ары да өрчүтүүгө көңул бурулат. Биргелешкен иш-аракеттин аркасы менен кыргыз-казак стратегиялык өнөктөштүгү менен союздаштыгы боордош элдердердин өсүп-өнүгүүсү үчүн бекемделе берерине ишенемин», — деп айтылат маалыматта.
