Бишкекте алдамчылыкка шектелген чет элдик жаран кармалды. Бул тууралуу Ленин райондук ички иштер башкармалыгынан билдиришти.
Арыз ээсинин айтымында, 2017-жылдын ноябрь айында шектүү менен биргеликте ЖЧК түзгөн. Андан кийин шектүү 30 миң долларлык алты тонна дары чайын жана 11,5 миң долларлык шприц алып келүү шылтоосу менен акча алып, изин жашырып кеткен.
Кылмыш-жаза кодексинин алдамчылык беренеси боюнча кылмыш иши козголду.
1946-жылы туулган чет элдик М.К. аттуу жаран кармалып, Бишкек шаардык ички иштер башкы башкармалыгынын убактылуу кармоочу жайына киргизилди.
