Бул тууралуу Талас ОИИБдин басма сөз кызматынан билдиришти.
Маалыматка караганда, Талас ОИИБдин, Талас ШИИБдин жана Өзгөчө Кырдаалдар Министрлигинин кызматкерлери биргеликте Талас шаарынын кооптуу суу жээктерине, көлмөлөрдө, суу бөлүштүрүүчү жайларда ар кандай кырсыктарды алдын алуу максатында эскертүү тактайларды орнотушту.
“Ошондой эле эскилиги жеткен белгилерди оңдоо иштери жүргүзүлдү. Жарандарга кандай кырдал жарбасын 102 жана 112 кызматына кайрылса болорун эскертишти. Бул иш-чара жыл сайын суу кырсыгын алдын алуу боюнча иш пландар иштелип чыгып Өзгөчө Кырдаалдар Министрлигинин кызматкерлери менен биргеликте иш алып барууда”, – деп айтылат облустук милициянын маалыматында.
Белгилей кетсек, жыл башынан тартып Талас облусунун аймагында 7 адамдын сууга чөгүп каза болгон фактысы катталган.
