Бул туурасында ИИМдин басма сөз кызматы кабарлады.
Маалыматка караганда, ИИМдин Баңгизаттарды мыйзамсыз жүгүртүүгө каршы күрөшүү кызматынын ыкчам кызматкерлери Кадамжай районунун аймагында мал уурдоого аракеттенген жарандарды кармашкан
.
БМЖКККнын кызматкерлерине «А» жана «Ү» аттуу жарандар Баткен облусунун Кадамжай районунда мал уурдоого бара жаткандыгы тууралуу маалымат түшкөн.
“Алынган маалыматтын алкагында КР ИИМдин БМЖКККнын жана Кадамжай РИИБдин кызматкерлери тарабынан ыкчам-иликтөө иш-чаралары жүргүзүлүп, жыйынтыгында 2023-жылдын 30-июль күнү Кызыл-Кыя-Ош унаа жолунда “Мерседес-Бенц” үлгүсүндөгү чоң жүк ташуучу унаа токтотулуп, ичиндеги уурдалган 3 баш уй жана 3 жылкы аныкталган.
Аталган факты боюнча Кадамжай РИИБнин тергөө кызматы тарабынан Кыргыз Республикасынын Кылмыш-жаза кодексинин (Уурдоо) 205-беренесинин 3-бөлүгүндө каралган кылмыштын белгилери менен кылмыш иши козголгон.
Кылмышка шектүү катары Баткен районунун эки тургуну 1992-жылы туулган Н.А. жана 1989-ж.т. М.У. кармалып, Кадамжай РИИБнин убактылуу кармоочу жайына киргизилген
Учурда милиция кызматкерлери тарабынан бул кылмышка тиешеси бар башка адамдарды аныктоо боюнча кошумча иш-чаралар жүргүзүлүүдө”, – деп айтылат ИИМдин маалыматында.
![e88f5c02 3078 400d b92c 18725f70b007 Кадамжайда мал уурдоого аракеттенген жарандар кармалды](https://bulak.kg/wp-content/uploads/2023/08/e88f5c02-3078-400d-b92c-18725f70b007.jpeg)
![c9e328c1 b127 4456 8407 b9183bac0cc3 Кадамжайда мал уурдоого аракеттенген жарандар кармалды](https://bulak.kg/wp-content/uploads/2023/08/c9e328c1-b127-4456-8407-b9183bac0cc3.jpeg)
![fa657e42 ab54 4a7d 982e beffaf569196 Кадамжайда мал уурдоого аракеттенген жарандар кармалды](https://bulak.kg/wp-content/uploads/2023/08/fa657e42-ab54-4a7d-982e-beffaf569196.jpeg)
![a3506183 c839 42cd 9266 0d95dd988b3d Кадамжайда мал уурдоого аракеттенген жарандар кармалды](https://bulak.kg/wp-content/uploads/2023/08/a3506183-c839-42cd-9266-0d95dd988b3d.jpeg)