Баткенде мурда соттолгон аял уурдалган унааны арзан сатып изин жашырып кеткени үчүн кармалды.
Бул тууралуу Баткен ОИИБинин басма сөз кызматы кабарлагандай, 2022-жылдын 9-ноябрь күнү Араван районунун Төө-Моюн айылынын 35 жаштагы тургуну ага бейтаныш болгон аял ишеничине кирип, Mercedes-Benz унаасын 170 миң сомго баалап сатып жиберип, изин жашырып кеткен.
Арадан 3 күн өтүп унаа Жалал-Абад облусунан уурдалгандыгы аныкталган. Ал эми сатып алган айдоочу Кызыл-Кыя ШИИБине арыз менен кайрылган. Бул иш сотко чейинки өндүрүшкө алынып, шектүү аял Ош облусунун Кара-Суу районунун тургуну экени аныкталган.
Тергөө иштеринин натыйжасында аял Бишкек шаарынан кармалган. Ал мурда уурулук беренеси менен сот жообуна тартылган.
