Манас РИИБдин балдар менен иштөө инспекциясынын инспекторлору Покровка айылында жайгашкан чоң жана кичине жалпы саны 20 чакты дүкөн ээлерине, жаш өспүрүмдөргө тамеки, насвай, алкоголдук ичимдиктерди, электрондук сигареттерди жана энергетикалык суусундуктарды сатпоого чакырды. Бул тууралуу Талас ОИИБдин Басма сөз кызматы маалымат таратты.
Тактап айтканда, бул иш-чара жаш өспүрүм балдарды сергек жашоого үндөп, зыяндуу заттардан алыстатуу жана коомдо дени сак балдарды сактап калуу максатында уюштурулду.
“Кыргыз Республикасынын Укук бузуу жөнүндө Кодексинин 85-беренесине ылайык жоопко тартылат жана жеке жактарга 55 эсептик көрсөткүч, юридикалык жактарга 170 эсептик көрсөткүч айып пул салууга алып келээрин эскертишти. Ошондой эле коомдук коопсуздукту камсыз кылуу максатында дүкөн ээлерине түшүндүрүү иштери жүргүзүлүп, визиттик байланыш карталары таратылды. Ошондой эле бул иш-чара областтын ар кайсы жерлеринде жана ички иштер бөлүмдөрдө уланууда”, – деп айтылат маалыматта.
