Бул тууралуу ИИМдин Атайын багыттагы полкунун Басма сөз кызматынан билдиришти.
Маалыматка караганда, 2023-жылдын 7-апрелинен 9-апрелине чейин Россия Федерациясынын Москва шаарында кармашып урушуу боюнча аялдар жана эркектер арасында “Достук кубогу-2023” аталыштагы дүйнө кубогу өткөн. Ага ИИМдин Атайын багыттагы полкунун кызматкерлери дагы катышып, байгелүү орундарды ээлешти. Бул спорттук иш-чарада 90+ салмакта 2-орунду полктун атайын операциялар отрядынын улук ыйгарым укуктуу ыкчам кызматкери милициянын капитаны Максатбек Пирматов, ал эми 3-орунду полктун Баткен шаарында жайгашкан өзүнчө ротасынын Баткен облусу боюнча атайын операциялар отрядынын ыкчам кызматкери милициянын старшинасы Ырысбек Зайиров ээлешти.
Дүйнө кубогунда ийгиликтерди жараткан кызматкерлерибизди куттуктап, кызматында чоң жетишкендиктерди каалайбыз.
![WhatsApp Image 2023 04 13 at 08.06.17 1 Милиция кызматкерлери кармашып урушуу боюнча дүйнө кубогунда байгелүү орундарды ээлешти](https://bulak.kg/wp-content/uploads/2023/04/WhatsApp-Image-2023-04-13-at-08.06.17-1-1200x801.jpeg)
![WhatsApp Image 2023 04 13 at 08.06.17 Милиция кызматкерлери кармашып урушуу боюнча дүйнө кубогунда байгелүү орундарды ээлешти](https://bulak.kg/wp-content/uploads/2023/04/WhatsApp-Image-2023-04-13-at-08.06.17-1200x801.jpeg)