Кечээ, 27-февралда Кыргыз Республикасынын Жогорку Кеңешинин Төрагасы Нурланбек Шакиев депутат Шайлообек Атазовдун байгесине арналган бокс боюнча эл аралык таймаштын ачылышына катышты.
Иш-чарада сөз сүйлөгөн Төрага Нурланбек Шакиев депутат тарабынан демилгеленип, өткөрүлүп жаткан мелдешке жогору баасын берип: “Акыркы жылдары спортко өзгөчө көңүл бурулуп, кыргыздын улан-кыздары эл аралык жана дүйнөлүк мелдештерде байгелүү орундарды багындырышууда. Бул мамлекетибиз үчүн чоң олжо, элибиз үчүн сыймык. Андыктан бүгүнкү өткөрүлүп жаткан иш-чара дагы өлкөлөр ортосундагы достукту арттырып, спортко кызыккан жаштардын көбөйүшүнө өбөлгө түзөт деген ишеничтемин”, – деди.
![shakief Дмитрий Биволго Жогорку Кеңештин Ардак грамотасы тапшырылды](https://bulak.kg/wp-content/uploads/2023/02/shakief-1200x776.jpg)
Муну менен катар Жогорку Кеңештин атынан ар бир катышуучуга ийгиликтерди каалаган Төрага: “Мелдеште күчтүүнүн күчтүүсү жеңсин”, – деген тилегин билдирди.
Аземдин алкагында Төрага Нурланбек Шакиев спорт жаатындагы жетишкендиктери жана жигердүү коомдук ишмердүүлүгү үчүн бокс боюнча дүйнөнүн чемпиону Дмитрий Биволго Жогорку Кеңештин Ардак грамотасын тапшырды.
![63fcb39c5c3d6 Дмитрий Биволго Жогорку Кеңештин Ардак грамотасы тапшырылды](https://bulak.kg/wp-content/uploads/2023/02/63fcb39c5c3d6-1200x799.jpeg)
![63fcb39a70598 Дмитрий Биволго Жогорку Кеңештин Ардак грамотасы тапшырылды](https://bulak.kg/wp-content/uploads/2023/02/63fcb39a70598-1200x799.jpeg)
Өз кезегинде Дмитрий Бивол мелдештин уюштуруучуларына жана тапшырылган сыйлыкка ыраазычылыгын айтып, кол тамгасы түшүрүлгөн бокс мээлейин Жогорку Кеңештин Төрагасы Нурланбек Шакиев менен Министрлер кабинетинин төрагасы Акылбек Жапаровго белек кылды.
![63fcb39e05fad Дмитрий Биволго Жогорку Кеңештин Ардак грамотасы тапшырылды](https://bulak.kg/wp-content/uploads/2023/02/63fcb39e05fad-1200x799.jpeg)
![63fcb39eb2e66 Дмитрий Биволго Жогорку Кеңештин Ардак грамотасы тапшырылды](https://bulak.kg/wp-content/uploads/2023/02/63fcb39eb2e66-1200x799.jpeg)