20-февралда катталган Түркия менен Сириянын чек арасындагы жаңы жер титирөөдөн мурун асманда көк жарыктар байкалган. Бул тууралуу түркиялык маалымат каражаттары билдирди.
Дамаск университетиндеги Жогорку сейсмикалык изилдөө институтунун директору Хала Хасандын айтуусу боюнча, ушул убакка чейин бул кубулушка эч кандай түшүндүрмө жок. Бирок ал жер титирөөдөн мурун атмосферанын электр жана магнит талааларында өзгөрүүлөр болгонун түшүндүрдү.
Сирия бийликтери каза болгондордун жана жабыркагандардын санын ачыктаган жок. Сириянын адам укуктары боюнча мониторинг борборунун маалыматы боюнча, Алеппо, Тартус жана Хама шаарларында дүрбөлөң түшүүдөн жана тыгындан кеминде төрт адам каза болгон. Борбордун маалыматына караганда, Дамаск көзөмөлдөгөн аймактарда кеминде 320 киши жараат алды. Өлкөнүн түндүк-батышында дагы 150 киши жараат алды.
Түркиянын Сирия менен чектеш Хатай провинциясында 20-февралдын жаңы кечинде жер титирөө болгон. Алардын күчү 6,4 баллга жеткен. Бул Түркия менен Сириянын чек арасында 6-февралда болгон кыйраткыч жер титирөөдөн эки жума өткөндөн кийин болду (магитудасы 7,8ге жеткен).
