Социалдык тармактарда Ахматбек Келдибеков АКШнын элчиси кызматына барары тууралуу азын-оолак кептер тарап жатат.
Алсак, «Учкун»ААКнын директорунун орун басары Турсунбек Бейшенбеков: “Келдибеков элчи болуп калса, катыра иштеп берет”, -деген пикирде.
Ошондой эле, өкмөттү жактаган кээ бир маалымат каражаттары Кыргыз Республикасынын АКШдагы учурдагы элчиси Бакыт Аманбаев менен буга чейин АКШнын мамлекеттик катчысынын Борбордук жана Түштүк Азия иштери боюнча жардамчысы Дональд Лу менен жолугушууда Кыргызстандын жетекчилиги жөнүндө терс ойдо экенин билдирген.
Андан соң, Кыргыз Республикасынын Тышкы иштер министрлигин дипломаттын иш-аракеттерин баалоого чакырышкан.
“Тышкы иштер министрлиги бардыгын кылдат текшерип, Бакит Аманбаевтын иш-аракеттерин баалоого тийиш. Болбосо мындай адамдар президенттин бийлигин бузуп, өлкөгө зыян келтириши мүмкүн”, – деп жазат айрым гезиттердин бири.
Аманбаев бул тууралуу эч кандай комментарий бере элек.
