Алмамбет Шыкмаматов кызматка дайындалды

Жогорку Кеңештин мурунку депутаты Алмамбет Шыкмаматов  “Бишкек” эркин экономикалык аймагынын башкы директору болду. Бул тууралуу мекеменин басма сөз катчысы Мээрим Кадырова билдирди.

“Алмамбет Шыкмаматов жакшы коммуникациялык жөндөмгө жана стратегиялык ой жүгүртүүгө ээ болуу менен Бишкек эркин экономикалык аймагын тартипке келтирет деп ишенем”, — деп жазды пресс катчы.

Буга чейин Кудрет Тайчабаров “Бишкек” эркин экономикалык аймагынын башкы директорлугунан өз каалоосу менен кеткендиги маалымдалган.

Тайчабаров аталган кызматка 2022-жылдын 14-ноябрында дайындалган.

Шыкмаматов буга чейин Инвестициялар министрлигин жетектеген.