Президент Садыр Жапаров 18-декабрда футбол боюнча Дүйнө чемпионаты — 2022 алкагында Доха шаарында Түркия Республикасынын президенти Режеп Тайип Эрдоган менен жолугушту. Бул тууралуу президенттин басма сөз кызматы билдирди.
Өлкө лидерлери саясий, соода-экономикалык жана маданий-гуманитардык чөйрөдөгү эки жана көп тараптуу кыргыз-түрк өз ара аракеттенүүсүнүн актуалдуу маселелери жөнүндө сүйлөшүштү.
Садыр Жапаров менен Режеп Тайип Эрдоган жогорку саясий деңгээлде активдүү диалогду улантууну шартташты.
Белгилей кетсек, Садыр Жапаров 18-декабрда, чет өлкөлөрдүн чакырылган башка лидерлери менен катар Доха шаарында футбол боюнча Дүйнө чемпионаты — 2022 финалдык беттешине күбө болду. Аргентина менен Франциянын улуттук курамаларынын ортосундагы финалдык беттеш, Аргентинанын курамасынын жеңиши менен аяктады.
![1024x768xphoto 2022 12 19 01 59 05 3.jpg.pagespeed.ic.0S52GVYb Садыр Жапаров Дохада Режеп Тайип Эрдоган менен жолугушту](https://reporter.kg/wp-content/uploads/2022/12/1024x768xphoto_2022-12-19_01-59-05-3.jpg.pagespeed.ic.0S52GVYb-x.webp)
![1024x770xphoto 2022 12 19 01 59 Садыр Жапаров Дохада Режеп Тайип Эрдоган менен жолугушту](https://reporter.kg/wp-content/uploads/2022/12/1024x770xphoto_2022-12-19_01-59-05.jpg.pagespeed.ic.xYPPzPRoSh.webp)
![photo 2022 12 19 01 59 05 2 Садыр Жапаров Дохада Режеп Тайип Эрдоган менен жолугушту](https://reporter.kg/wp-content/uploads/2022/12/photo_2022-12-19_01-59-05-2.jpg)