Боом капчыгайындагы “Апамдын чайы” аталышындагы тамактануучу жайдын негиздөөчү Лира апаны араб шейхи эки жумага Абу-Дабиге эс алууга чакырган. Бул тууралуу фут-блогер Адилет Ногойбаев билдирди.
Шейхке Лира апанын каттамасы абдан жагып калып, апанын каттамасын үйрөнүү үчүн мастер-класстарды өтүүнү суранышкан.
Анын айтуусуна караганда, Кыргызстанга үй-бүлөсү менен келген шейхти коштоп жүргөндөр Ысык-Көлгө бараткан жолдо жергиликтүү ашкана менен тааныштырышкан. Аларга каттама жана сүт чай аябай жаккан.
Сапардын уюштуруучулары айткандай, шейх Лира эжени үй-бүлөсү менен Абу-Дабиге чакырган.
