Укук коргоочулар же укук коргоо органдары аткарган иштерге карабастан, үй-бүлөлүк зомбулук боюнча абал кооптуу бойдон калууда. Мындай билдирүүнү депутат Динара Ашимова жазды.
Анын айтымында зордук-зомбулуктун жабыркаган аялдар жакындарынан колдоо таппайт же мамлекет тарабынан толук корголбойт.
«Мен аял, эне жана эл өкүлү катары балдарыбыздын бүгүнкү күнү жана келечеги үчүн абдан тынчсызданам.
Кесиптештерим менен «Үй-бүлөлүк зомбулук менен күрөш чөйрөсүндөгү айрым мыйзам актыларына өзгөртүүлөрдү киргизүү жөнүндө» мыйзам долбоорун сунуштап жатабыз.
Бул өзгөртүүлөр аркылуу зордук-зомбулуктан жабыркагандарды коргоого, укуктарын бекемдөөгө жана алардын коопсуздугун камсыз кылуу үчүн жооптуу тараптардын укуктарын кеңейтүүнү көздөйбүз.
Биз ар бир адамдын укугу корголгон адилет коомдо жашоого умтулабыз.
Үй-бүлөнү бекемдөө,балдарыбыз бактылуу балалык жана зордук-зомбулуксуз жашоо үчүн адилет жана кайдигер эмес коом түзүүдө мындай мыйзамдын мааниси чоң»,- деп жазды депутат.
