Каракол шаарында жол эрежесин одоно бузуп, борбордук аянтта дрифт кылган бейбаш айдоочу кармалды. Бул тууралуу 14-ноябрда Ысык-Көл ОИИБдин басма сөз кызматы билдирди.
Маалыматка караганда, айдоочу Каракол ШИИБнин жол кайгуул кызматынын инспекторлору тарабынан кармалган.
“Айдоочу Жети-Өгүз районунун Ак-Дөбө айылынын Азамат Асанов аттуу тургуну болгон. Унаа айып төлөнүүчү жайга киргизилди. Айдоочуга Кылмыш-жаза кодексинин 189-беренеси (Автобейбаштык) боюнча протокол түзүлдү”, — деп айтылат маалыматта.