Бишкектин борбордук бөлүгүндө газ бир айга чейин өчүрүлөт

0
28

20-июндан 20-июлга чейин Бишкектин борбордук бөлүгүндө газ түтүкчөлөрүнүн эскирген участокторун жана жабдууларды алмаштыруу үчүн пландык оңдоо иштери жүргүзүлөт. Бул тууралуу «Газпром Кыргызстан» ишканасынан билдиришти.

Маалыматка ылайык, скважиналардын клапандары жана крандары бузулгандыктан, майда участокторду өчүрүүгө мүмкүн болбой жатат. Орто жана төмөнкү басымдагы газ проводу 1970-жылы пайдаланууга берилген.

20-июндан 20-июлга чейин Осмонкул, Толстой, Бейшеналиев (Ала-Арча дарыясы), Малышева, Баялинов (БЧК), Жибек Жолу көчөлөрү менен чектешкен аймактарда жаратылыш газын берүү токтотулат.

Өчүрүү аянты чоң болгондуктан, оңдоо иштери аяктагандан кийин жаратылыш газын берүү жанданат.

«Газпром Кыргызстан» компаниясы шаардыктардан кечирим сурап, абоненттерди альтернативдүү энергия булактарына өтүүнү суранат.