10-августта Сокулук районуна караштуу Новопавловка айылынын Северная көчөсүндө жайгашкан турак үйдөн чыккан өрттү өчүрүү үчүн 4 күжүрмөн эсеп жана штаб тартылган. Бул тууралуу ӨКМдин басма сөз кызматы билдирди.
Жеринде тилсиз жоо өрт өчүрүүчүлөрдүн аракети менен 14:57де чектөөгө алынып, 19:33дө толук өчүрүлгөн.
“Кырсыктын кесепетинен темир калай менен жабылган үйдүн чатыры, ага жанаша турган убактылуу жашай турган эки бөлмөлүү үй күйгөн. Сарай, 3 куб отун, тактайлар, 1 тонна кездеменин калдыктары, кездемелер күйүп, 3 газ баллон жарылган.
![366357784 678771930962203 1491428607837971979 n Новопавловкада турак үйдөн өрт чыкты](https://nazarnews.org/media/ck_posts_files/2023/08/10/366357784_678771930962203_1491428607837971979_n.jpg)
![366920054 678771944295535 1410612070174494640 n Новопавловкада турак үйдөн өрт чыкты](https://bulak.kg/wp-content/uploads/2023/08/366920054_678771944295535_1410612070174494640_n.jpg)
Болжол менен өрт 300 чарчы метр жерди кучагына алган. Жабыркагандар жок, учурда кырсыктын келип чыгуу себептери такталууда”, – деп айтылат маалыматта.
![gaz zhar Новопавловкада турак үйдөн өрт чыкты](https://bulak.kg/wp-content/uploads/2023/08/gaz-zhar.jpg)