Таласта айдоочуга кол көтөргөн жол кыймылынын кызматкери жумушунан кол жууду

0
506

Жүк ташуучу унаанын айдоочусуна кол көтөргөн жол кыймылынын коопсуздугун камсыздоо боюнча мамлекеттик инспекциясынын Талас облусу боюнча башкармалыгынын кызматкери ээлеген кызматынан бошотулду. Бул тууралуу Ички иштер министрлигинин басма сөз кызматы билдирди.

Анын айтымында, 26-апрелде социалдык тармактарга МАИ кызматкери жүк ташуучу унаанын айдоочусуна кол көтөрүп жаткан видео тараган. Бул факты боюнча кызматтык иликтөө жүргүзүлгөн. Кодекстердин жана уставдардын талаптарын одоно бузгандыгы үчүн Кыргызстандын ички иштер башкармалыгынын кызматкеринин ишкердик беделине шек келтирген инспектору М.М. ээлеген кызматынан бошотулду.

Кол алдындагыларга көзөмөлдү начар жүргүзгөндүгү үчүн Талас облусунун Манас райондук ички иштер бөлүмүнүн Жол кыймылынын коопсуздугун камсыздоо инспекциясынын ага инспектору, милициянын капитаны О.Н. катуу сөгүш жарыялашты.

ОЙ ПИКИР КАЛТЫРУУ

Please enter your comment!
Please enter your name here
This site is protected by reCAPTCHA and the Google Privacy Policy and Terms of Service apply.