Карганбек Самаковдун салык боюнча карызы 63 миллион 167 миң 300 сом

0
394

Жогорку Кеңештин экс-депутаты Карганбек Самаковдун салык боюнча карызы 63 миллион 167 миң 300 сомду түздү. Ири салык төлөөчүлөрдүн тизмесин Мамлекеттик салык кызматы жарыялады.

Салык кызматынын маалыматы боюнча, Самаков Карганбек Садыкович Бишкек шаарынын Биринчи Май районунда каттоодо турат.

Буга чейин Мамлекеттик салык кызматы Карганбек Самаковдун ишмердүүлүгү жеке турак жайларды, медициналык мекемелерди, дене тарбия жана спорт объекттерин, маданият жана коомдук жайларды, ошондой эле мектепке чейинки мекемелерди куруу үчүн жер тилкелерин сатып алуу-сатуу менен байланышканын билдирген.

2015-жылы 59 миллион сомго кошумча салык алган. Самаков бул суммага макул болбой, сотко кайрылган.

Кошумчалай кетсек, Карганбек Самаков жана башка аткаминерлер Аламүдүн районунун Байтик, Лебединов жана Кара-Жыгач айыл аймактарындагы 262 гектар жерди мыйзамсыз трансформациялаган деп айыпталган. Самаков мүлкүн конфискациялоо менен 10 жылга эркинен ажыратылган. 2021-жылдын декабрында өкүм жокко чыгарылып, иш жаңы соттук териштирүүгө жөнөтүлгөн.

ОЙ ПИКИР КАЛТЫРУУ

Please enter your comment!
Please enter your name here
This site is protected by reCAPTCHA and the Google Privacy Policy and Terms of Service apply.