5-апрелде кыргыз-кытай чек арасы коңшу өлкөдөгү майрамга байланыштуу убактылуу жабылат. Бул тууралуу Улуттук коопсуздук боюнча мамлекеттик комитеттин Чек ара кызматы билдирди.
Маалыматка ылайык, Кытай тараптын демилгеси менен Цинмин фестивалын (Эскерүү күнү) майрамдоого байланыштуу Торугарт жана Эркеч-Там өткөрмө бекеттери автоунааларды жана жүктөрдү өткөрүүнү убактылуу токтотот.
Өткөрүү пункттары 6-апрелден тарта кадимкидей иштей баштайт.
