Бишкекте батирдин босогосуна ташталган ымыркайдын абалы канаттандырарлык.
Бул тууралуу Эне жана баланы коргоо улуттук борборунан билдиришти.
Маалыматка караганда, ымыркай 1-мартта төрөлгөн. Ал Эне жана баланы коргоо улуттук борборуна 5-мартта жеткирилген. Дарыгерлер ымыркай баланын ден-соолугун текшерип, саламаттыгы жакшы экенидигин аныкташкан.
«Эркек бала 2 кг 495 грамм салмакта төрөлгөн. Бою 50 сантиметр. Учурда абалы канаттандырарлык»,-деп билдиришти Эне жана баланы коргоо улуттук борборунан.
Учурда ымыркайдын ата-энесин аныктоо боюнча тергөө иштери жүрүүдө.
Эске салсак, Бишкекте батирдин босогосуна белгисиз адамдар ымыркайды таштап кетишкен. Анда ымыркайдын жанында «Мен бага албайм. 2022-жылдын 1-мартында туулган» деп жазылган жазуу калтырылган. «Тез жардам» кызматынын кызматкерлери ымыркайды текшерип, Эне жана баланы коргоо улуттук борборуна алып барышкан.
