Кыргызстанда 18-февралга карата коронавирус 41 адамдан аныкталды. Бул тууралуу Саламаттык сактоо министрлиги билдирет.
Республика боюнча жаңы катталгандардын саны:
Бишкек шаарында – 20,
Чүй облусунда – 14,
Талас облусунда – 1,
Ысык-Көл облусунда – 5,
Жалал-Абад облусунда – 1 адамдан илдет табылган.
Акыркы суткада 191 адам илдеттен сакайып чыкты, эки бейтап каза болду.
Бүгүнкү күндө стационарларда коронавирустан 333 бейтап, амбулатордук түрдө 1 миң 622 адам дарыланууда.
Кыргызстанда пандемия башталгандан бери 200 миң 255 адам коронавирус жуктурган. Алардын ичинен 193 миң 792 киши айыгып чыкса, 2 миң 939 адам каза болду.
