Дүйнө чемпиону Валентина Шевченко Ош облустук ички иштер башкармалыгына келди. Бул тууралуу Ош ОИИБнын басма сөз кызматы билдирди.
Маалыматка ылайык, бүгүн, 14-декабрда UFC боюнча дүйнө чемпиону Валентина Шевченко Ош облустук ички иштер башкармалыгына барды. Мушкерди Ош ОИИБдин саптык аянтчасында туу көтөрүү менен өздүк курам салтанаттуу тосуп алды.
Аталган аземдин жүрүшүндө Кыргыз Республикасынын Гимни аткарылып, андан соң Ош ОИИБдин начальниги милициянын полковниги Жеңишбек Абитов сөз сүйлөп, белектерди тапшырды.
Өз сөзүндө Валентина Шевченко милиция кызматкерлери менен жолукканына кубанып, аларга ыраазычылыгын билдирди.
Ошондой эле спортчуга арналган салтанатуу азем саптык жүрүш менен аяктады.
Андан соң башкармалыктын спорт залында дүйнө чемпиону өздүк курамга масстер-класс көрсөтүп өттү.
