VI Дүйнөлүк көчмөндөр оюндарынын ачылыш аземинин акыркы репетициясы өткөрүлгөндүгүнө байланыштуу, 2026-жылдын 22-августунда саат 10:00дөн 19:00гө чейин «Бишкек Арена» стадионунда төмөнкү көчөлөрдө унаа кыймылы убактылуу чектелип турат:
- Аалы Токомбаев проспектиси боюнча — Чортеков көчөсүнөн Барпы Алыкулов көчөсүнө чейин;
- Д. Куюкова көчөсү боюнча — Чортеков көчөсүнөн Махатма Ганди (Муромская) көчөсүнө чейин;
- Эр-Тайлак көчөсү боюнча — Чортеков көчөсүнөн Арча-Бешик көчөсүнө чейин;
- Махатма Ганди көчөсү боюнча — Аалы Токомбаев проспектисинен Ахунбаев көчөсүнө чейин.
Урматтуу Бишкек шаарынын тургундары жана коноктору, иш-чаранын өткөрүлүшүнө байланыштуу убактылуу жаралган ыңгайсыздыктарга түшүнүү менен мамиле кылууңуздарды суранабыз жана келтирилген ыңгайсыздыктар үчүн кечирим сурайбыз.
