Нарын шаарында окуучу кыздарга ыдык көрсөтүп келген деп айтылып жаткан чет тил мугалими асынып алды. Бул тууралуу Нарын облустук милициясынан билдиришти.
Ал мугалимди (Т.А) чет тилинен курс окуган окуучу кыздар ыдык көргөзүп жүргөн деп айыптап, Инстаграм баракча аркылуу андан жапа чеккендер өз окуяларын айтып чыгышкан.
Бул маалымат тарагандан кийин Нарын шаардык милициясы териштирүү иштери башталганын билдирген болчу.
“Окуя кечээ күнү, 14-апрелде катталды. Адам өзүнө-өзү кол салып, асынып каза болуптур. Материал катталган. Бүгүнкү күндө тергөө иштери жүрүп жатат. Жыйынтыгы менен толук маалымат берилет” – деп айтылат маалыматта.
