Бул туурасында Талас ОИИБдин басма сөз кызматынан билдиришти.
Маалыматка караганда, Талас РИИБне 31-июлда Талас районунун Талды-Булак жана башка айылдарынан 6 жаран арыз жазышкан.
Алар 2023-жылдын июнь жана июль айларынын ичинде жалпысынан 9 баш уй жана 26 баш койлорун белгисиз адамдар уурдап кеткендиги боюнча кайрылган.
“Ал фактылар баары кылмыштардын бирдиктуу реестрине катталып, КРнын 205-беренеси менен кылмыш иши козголгон. Талас РИИБдин кылмыш иликтөө бөлүмү тарабынан кызматтык иш сапарлар уюштурушуп, иликтөө иштери жүргүзүлгөн. Талас райондук жана облустук кылмыш иликтөө кызматы тарабынан, ыкчам иш алып барууларынын негизинде кылмыштардын бети ачылып, шектүүлөр кармалган. Аталган кылмыш иши боюнча Талас облусунун Талас районунун жана Айтматов районунун 26 жаштагы жарандары экендиги аныкталды. А.И., Т.А., Т уулу Б. ОИИБдин убактылуу кармоочу жайына киргизилген”, – деп айтылат облустук милициянын маалыматында.
Учурда тергөө амалдары жүрүп жатат.
