Өзбекстанда мекендешин 158 миң долларга алдап кеткен делип издөөгө алынган жаран Ош шаарынан кармалды. Бул тууралуу шаардык милициядан билдиришти.
Маалыматка караганда, шектүү 41 жаштагы П.Ф. аттуу Өзбекстандын жараны. Ал 2022-жылы 21-октябрда мекендешине курулуш иштери үчүн арматура алып берем деп 158 миң доллар алып, изин жашыпы кеткен.
Аталган факт боюнча кылмыш иши козголуп, шектүү издөөгө алынган.
Издөөдө жүргөн Өзбекстандын жараны Ош шаарынан милиция тарабынан колго түшүрүлгөн. Учурда аны Өзбекстанга өткөрүп берүү маселеси каралууда.
