Президент Садыр Жапаров кечээ, 30-июлда жумушчу сапарынын алкагында Ош облустук «Төлөйкөн» ат майданын капиталдык реконструкциялоо иштеринин жүрүшү менен таанышты. Бул тууралуу президенттин маалымат кызматы билдирди.
Маалым болгондой, быйыл ат майданды капиталдык оңдоп-түзөөгө республикалык бюджеттен 45 млн сом бөлүнгөн. Бүгүнкү күндө иштердин негизги бөлүгү аяктады. Реконструкциялоо долбоорунда төмөнкүлөр каралган:
— жаңы конференц-зал куруу;
— ат чабыш жолуна жана көк-бөрү оюн талаасына кум төгүү;
— негизги трибунаны капиталдык оңдоп-түзөө, жаңы 4040 орундук жана кошумча трибунанын үстүнө бастырма орнотуу;
— сырткы жарыктандырууну орнотуу;
— жаңы тосмолорду орнотуу.
Садыр Жапаров ат майдандын оңдоп-түзөө иштерин белгиленген мөөнөттө аяктоону тапшырды. 31-август — Кыргызстандын Эгемендүүлүк күнүнө карата аталган ат майданда алгачкы майрамдык иш-чаралар өткөрүлөт.
![b0bf9816 83eb 4e7f 84bd 9738c8a98ed1 Жапаров «Төлөйкөн» ат майданынын оңдоо иштери менен таанышты](https://bulak.kg/wp-content/uploads/2023/07/b0bf9816-83eb-4e7f-84bd-9738c8a98ed1.jpg)
![94a578e6 46cd 4f30 92a5 168d7c570ca9 Жапаров «Төлөйкөн» ат майданынын оңдоо иштери менен таанышты](https://bulak.kg/wp-content/uploads/2023/07/94a578e6-46cd-4f30-92a5-168d7c570ca9.jpg)
![3302b625 b7d1 4c50 8881 37cbb304db0e Жапаров «Төлөйкөн» ат майданынын оңдоо иштери менен таанышты](https://bulak.kg/wp-content/uploads/2023/07/3302b625-b7d1-4c50-8881-37cbb304db0e.jpg)