Акыркы убакта суунун деңгээли көтөрүлгөнүнө байланыштуу Талас ШИИБдин балдар менен иштөө инспекциясынын инспекторлору тарабынан Талас шаарында жайгашкан агын сууларды, Талас дарыясы, суу бөлүштүрүүчү жайларды, жана ири каналдар текшерилди. Бул тууралуу Талас ОИИБдин басма сөз кызматы маалымдады.
“Кооптуу агын суу жээктерине тыюу салынуучу белгилерди илишти. Шаар тургундарына жана конокторуна түшүндүрүү иштери жүргүзүлдү. Жарандарга балдарды суу жээкте кароосуз калтырбоого жана түнкү убакытта ата-энелеринин коштоосу жок журбөөгө чакырды. Облустун аймагында бардык жерлерде суу кырсыктарын алдын алуу боюнча коопсуздук чаралары көрүлүп, иштер жүргүзүлүүдө”, – деп айтылат маалыматта.
